Pwy ydym ni'n eu cefnogi
Mae'n bwysig bod y gofalwr di-dâl yn llenwi'r ffurflen sy'n berthnasol i'r sir y mae'n byw ynddi. Gellir cyrchu'r ffurflenni yma: https://biphdd.gig.cymru/gofal-iechyd/gwasanaethau-a-thimau/gwybodaeth-i-ofalwyr/
Mae'r ffurflen hefyd yn rhoi cyfle i'r gofalwr gael ei gyfeirio at ei Wasanaeth Gwybodaeth Gofalwyr lleol. Mae adborth gan ofalwyr di-dâl ar fanteision hyn yn cynnwys:
Cyn atgyfeiriad: rwy’n gofalu am fy ngŵr sydd ag Alzheimer’s ac yn teimlo’n ynysig, yn isel ac yn unig. Roeddwn yn cael trafferth gofalu amdano ar fy mhen fy hun.
Ar ôl: Rwyf bellach yn derbyn tair awr o ofal amnewid yr wythnos. Mae fy ngŵr yn treulio amser bob wythnos mewn canolfan ddydd. Fe wnaeth y gwasanaeth gofalwyr hefyd fy helpu i wneud cais am lwfans gweini y gallaf ei ddefnyddio i gyflogi glanhawr.