skip to main content
   Gwrando a chyfieithu
This website is available in English
Dewis
Health and Wellbeing
Partner Iechyd a Llesiant Cymru

Gwasanaethau a reoleiddir

Mae rhai o’r gwasanaethau sy’n cael eu rhestru o fewn Dewis Cymru yn cael eu galw’n wasanaethau ‘rheoleiddiedig’. Mae rhai o rain angen bod wedi ‘cofrestru’ ag Arolygiaeth Gofal Cymru (AGC). Nod y gofyniad yma yw sicrhau bod gwasanaethau o’r fath yn darparu gwasanaeth ansawdd da a diogel i’r bobl sy’n eu defnyddio.

Mae’r gwasanaethau hyn yn cynnwys gwasanaethau gofal cymunedol gwasanaethau preswyl i blant ac oedolion.

O dan y gyfraith, mae’n rhaid i wasanaethau cofrestredig fodloni rhai safonau sylfaenol a bennir yn Deddf Rheoleiddio ac Arolygu Gofal Cymdeithasol (Cymru) 2016.

Mae’r gwasanaethau hyn yn cael eu cofrestru gan Arolygiaeth Gofal Cymru (AGC) sy’n eu harolygu’n rheolaidd hefyd. Mae'r rhan fwyaf o adroddiadau arolygu ar gael i'r cyhoedd ac fe'u cyhoeddir ar wefan AGC (mae rhai arolygiadau o wasanaethau plant nad ydynt ar gael yn gyhoeddus).

Os bydd gwasanaeth cofrestredig yn methu â bodloni neu ragori ar y safonau gofynnol, mae gan AGC y pŵer i weithredu, er mwyn sicrhau bod gwelliannau'n cael eu gwneud i'r gwasanaeth. Os bydd darparwr gwasanaeth yn methu â gwneud y gwelliannau gofynnol, gellir cymryd camau gorfodi pellach, er enghraifft gallai hyn arwain at gau gwasanaeth neu erlyn darparwr Gwasanaeth.

Mae gwasanaethau cofrestredig yn cael eu hamlygu o fewn Cyfeiriadur Gwasanaethau Dewis. Bydd hyn yn galluogi pobl i gael mwy o wybodaeth am y gwasanaeth drwy ddilyn y ddolen â gwefan AGC.

Sut i gwyno am wasanaeth cofrestredig

Os oes gennych bryder neu gŵyn benodol am ddiogelwch ac ansawdd cartref gofal, gallwch cysylltwch ag AGC:

  • Galwch: 0300 7900 126; neu
  • Cyflwynwch eich pryder drwy'r ffurflen we.

Sut i godi pryderon fel aelod o staff neu 'chwythwr chwiban'

Ewch i wefan AGC i weld pa gamau dylech chi eu cymryd os oes gennych chi bryderon am wasanaeth gofal cofrestredig.

Gael mwy o wybodaeth lles yn www.dewis.cymru

Byddwn ni’n cymryd camau rhesymol i ofalu bod yr wybodaeth sydd ar y wefan mor gywir ag y bo modd, ond allwn ni ddim derbyn cyfrifoldeb am gywirdeb yr wybodaeth honno. Y cyfranwyr sy’n gyfrifol am ddiweddaru eu gwybodaeth nhw, a byddan nhw’n croesawu adborth am gywirdeb yr hyn maen nhw wedi’i gyhoeddi. Cynghorir y rhai sy’n darllen cynnwys y wefan i gymryd pob cam rhesymol i’w bwyso a’i fesur, gan gynnwys hel cynghorion arbenigwyr cyn gwneud – neu osgoi gwneud – unrhyw beth sydd wedi’i grybwyll.

Sylwch fod y canlyniadau a welir wrth chwilio yn Gymraeg neu Saesneg ar ochrau Cymraeg neu Saesneg y wefan (www.dewis.cymru neu www.dewis.wales) weithiau’n wahanol. Gall darparwyr ddewis (yn ddarostyngedig i reolau ynglŷn â safonau iaith sy’n berthnasol i rai darpariaethau) ddewis cofnodi eu gwybodaeth yn Saesneg yn unig, Cymraeg yn unig, neu’n ddwyieithog. Er ein bod yn ceisio defnyddio’r dechnoleg o fewn y wefan i gyfyngu effaith eu dewis, mae terminoleg a strwythur yr ieithoedd yn golygu bod gwahaniaethau yn y canlyniadau sy’n cael eu cynhyrchu weithiau’n anochel.

Allwn ni ddim derbyn unrhyw gyfrifoldeb am gynnwys y gwefannau sydd wedi’u cysylltu â’n gwefan ni. Dim ond er gwybodaeth ichi rydyn ni wedi cynnig dolenni o’r fath. Felly, ddylech chi ddim tybio bod sêl ein bendith arnyn nhw. Does dim modd inni reoli cynnwys nac adnoddau’r un wefan arall. Mae gyda ni hawl i wrthod neu ddileu dolen â gwefan rydyn ni o’r farn bod ei chynnwys yn amhriodol.

I gael rhagor o wybodaeth, cyfeiriwch at y Telerau ac Amodau llawn.