Os oes gennych chi anabledd corfforol neu synhwyraidd parhaol neu sylweddol, mae’n bosib y byddwch chi’n gymwys i dderbyn Grant Cyfleusterau i’r Anabl i dalu am unrhyw addasiadau mawr i’ch cartref.
Cysylltwch â’ch cyngor lleol, a fydd yn trefnu i therapydd galwedigaethol edrych ar eich amgylchiadau a’ch eiddo ac asesu beth all gael ei wneud.
Rhaid i’r cyngor fod yn fodlon bod angen y gwaith adeiladu a’i fod yn diwallu’ch anghenion chi (neu rai’r person anabl). Mae’n bosibl y bydd angen cymeradwyaeth arnoch chi o dan reoliadau cynllunio ac adeiladu ac mae’n rhaid peidio â dechrau’r gwaith adeiladu nes i’r grant gael ei gymeradwyo.
Fel arfer bydd eich cyngor yn gofyn am ddau ddyfynbris ysgrifenedig.
Os ydych chi’n rhentu’ch cartref oddi wrth y cyngor lleol neu gymdeithas tai, cysylltwch â nhw yn y lle cyntaf. Os nad yw’n bosibl addasu’ch cartref presennol, mae’n bosibl y byddant yn gallu dod o hyd i eiddo i chi sydd eisoes wedi cael ei addasu neu a allai gael ei addasu’n haws i’ch anghenion chi.
Os ydych chi’n rhentu’ch eiddo’n breifat ac rydych yn anabl, gall eich landlord wneud cais am Grant Cyfleusterau i’r Anabl ar eich rhan.
Os ydych chi’n gymwys i dderbyn grant, bydd faint rydych chi’n ei dderbyn yn seiliedig ar werth y gwaith adeiladu hyd at uchafswm o £36,000 (mae hynyn cynnwys ffioedd a chostau gweinyddu).
Mae Grantiau Cyfleusterau i'r Anabl yn rhai sy'n profi modd. Os ydych yn berchennog cartref, mae'n bosib y gofynnir i chi wneud cyfraniad tuag at y costau. Does dim profion o bell ffordd os yw'r addasiad yn costio llai na £8,000 neu os yw ar gyfer plentyn anabl.