skip to main content
   Gwrando a chyfieithu
This website is available in English
Dewis
Health and Wellbeing
Partner Iechyd a Llesiant Cymru

Os oes gennych chi anghenion gofal a chymorth, mae’n bosib bod gennych chi hawl i gael cymorth ariannol i wneud addasiadau i’ch cartref. Mae’r cymorth ariannol sydd ar gael yn dibynnu ar eich anghenion unigol, eich sefyllfa ariannol ac a ydy’r addasiadau mae arnoch chi eu hangen yn cael eu dosbarthu’n rhai
bach, canolig neu fawr.

Addasiadau bach

Ni ofynnir i chi gyfrannu at gost addasiadau bach, fel canllawiau cydio a goleuadau gwell, os ydych:

  • yn yr ysbyty yn aros i gael eu rhyddhau • wedi cael eu rhyddhau o'r ysbyty yn ddiweddar, neu
  • mewn perygl o gael eu derbyn i ysbyty neu gartref gofal (efallai o ganlyniad i gwymp)

Rhaid i chi gael eich atgyfeirio gan weithiwr iechyd proffesiynol neu weithiwr cymdeithasol.

Addasiadau canolig a mawr

Efallai eich bod chi’n gymwys i dderbyn Grant Cyfleusterau i’r Anabl (DFG) tuag at gost y gwaith os ydych chi neu rywun sy’n byw yn yr eiddo yn hen neu yn anabl, gan gynnwys plentyn anabl.

Mae’r Grant yn orfodol (ar yr amod eich bod yn gymwys ar sail incwm) os ydych chi neu’r unigolyn arall:

  • rydych chi’n methu mynd i mewn neu allan o’ch cartref
  • rydych chi’n methu defnyddio’r ystafell ymolchi neu’r gegin

Bydd y swm a gewch yn cael ei asesu ar incwm eich cartref ac unrhyw gynilion cartref. Bydd rhai budd-daliadau anabledd a chynilion o dan £6,000 yn cael eu hanwybyddu. Uchafswm y grant sy'n daladwy yw £36,000. Nid yw grantiau i blant anabl yn seiliedig ar brawf modd.

Os ydych chi’n berchen ar eich cartref eich hun, cysylltwch ag adran tai eich cyngor lleol am fwy o wybodaeth. Os ydych chi’n rhentu’ch cartref, cysylltwch â’ch landlord.

Talu am addasiadau eich hun

Os ydych chi’n berchen ar eich eiddo, efallai y byddwch chi’n penderfynu trefnu rhai pethau dros eich hunan, e.e. gosod canllaw wrth risiau allanol, neu osod cawod cerdded-i-mewn yn lle baddon.

Yn aml mae gan gynghorau lleol restri aros hir am asesiadau rhad ac am ddim gan therapydd galwedigaethol, felly os gallwch chi ei fforddio, efallai y byddai’n well gennych chi ymgynghori â therapydd galwedigaethol yn annibynnol. Dewch o hyd i un yma (Saesneg yn unig) neu ffoniwch 020 7450 2330.

Diweddariad diwethaf: 02/05/2023

Gael mwy o wybodaeth lles yn www.dewis.cymru

Byddwn ni’n cymryd camau rhesymol i ofalu bod yr wybodaeth sydd ar y wefan mor gywir ag y bo modd, ond allwn ni ddim derbyn cyfrifoldeb am gywirdeb yr wybodaeth honno. Y cyfranwyr sy’n gyfrifol am ddiweddaru eu gwybodaeth nhw, a byddan nhw’n croesawu adborth am gywirdeb yr hyn maen nhw wedi’i gyhoeddi. Cynghorir y rhai sy’n darllen cynnwys y wefan i gymryd pob cam rhesymol i’w bwyso a’i fesur, gan gynnwys hel cynghorion arbenigwyr cyn gwneud – neu osgoi gwneud – unrhyw beth sydd wedi’i grybwyll.

Sylwch fod y canlyniadau a welir wrth chwilio yn Gymraeg neu Saesneg ar ochrau Cymraeg neu Saesneg y wefan (www.dewis.cymru neu www.dewis.wales) weithiau’n wahanol. Gall darparwyr ddewis (yn ddarostyngedig i reolau ynglŷn â safonau iaith sy’n berthnasol i rai darpariaethau) ddewis cofnodi eu gwybodaeth yn Saesneg yn unig, Cymraeg yn unig, neu’n ddwyieithog. Er ein bod yn ceisio defnyddio’r dechnoleg o fewn y wefan i gyfyngu effaith eu dewis, mae terminoleg a strwythur yr ieithoedd yn golygu bod gwahaniaethau yn y canlyniadau sy’n cael eu cynhyrchu weithiau’n anochel.

Allwn ni ddim derbyn unrhyw gyfrifoldeb am gynnwys y gwefannau sydd wedi’u cysylltu â’n gwefan ni. Dim ond er gwybodaeth ichi rydyn ni wedi cynnig dolenni o’r fath. Felly, ddylech chi ddim tybio bod sêl ein bendith arnyn nhw. Does dim modd inni reoli cynnwys nac adnoddau’r un wefan arall. Mae gyda ni hawl i wrthod neu ddileu dolen â gwefan rydyn ni o’r farn bod ei chynnwys yn amhriodol.

I gael rhagor o wybodaeth, cyfeiriwch at y Telerau ac Amodau llawn.