Weithiau bydd ar bobl sydd fel arall yn gall byw yn annibynnol angen ychydig o gymorth ychwanegol gyda’u gwaith papur o hyd, yn arbennig gyda materion ariannol fel bancio, ceisio am fudd-daliadau a thalu biliau.
Mae eiriolwr ariannol yn rhywun a fydd yn eich helpu i ddelio â’ch arian, gan gynnwys eich opsiynau a’ch cefnogi i wneud eich penderfyniadau eich hun.
Pa fath o gymorth sy’n cael ei ddarparu?
Gall eiriolwr ariannol eich helpu chi wrth:
- sefydlu cyfrif banc
- trefnu’ch arian
- talu biliau sydd heb eu talu
- sefydlu debyd uniongyrchol neu archeb sefydlog
- cysylltu â chwmnïau cyfleustodau
- negodi prisiau â thrydydd partïon, e.e. cyfreithwyr
- unrhyw faterion ariannol eraill.
Ni fydd eiriolwr ariannol yn gwneud penderfyniadau ar eich rhan ond bydd yn rhoi gwybodaeth glir i chi er mwyn i chi gael penderfynu dros eich hun.
Penodwyr
Mae penodai yn fath penodol o eiriolwr ariannol sy’n cael rheoli buddion person arall os nad oes ganddo alluedd meddyliol, e.e. mae ganddynt ddementia, anaf i'r ymennydd neu anabledd dysgu. Gall penodai fod yn berthynas neu’n ffrind, neu gall fod yn gyfreithiwr neu’n sefydliad, e.e. eich cyngor lleol.
I gael rhagor o wybodaeth am ddod yn benodai i rywun arall, ewch i gov.uk (Saesneg yn unig)
Dod o hyd i rywun i’ch helpu
Mae’r rhaglen Cefnogi Pobl yn cefnogi pobl hawdd eu niweidio – gan gynnwys pobl ag anableddau a phobl hŷn – i ddysgu’r sgiliau mae eu hangen i ddarganfod, rheoli a chynnal cartref, gan gynnwys rheoli’r gyllideb gartref.
Mae gan Age Cymru (Saesneg yn unig) gyrff lleol ledled Cymru, y mae rhai ohonynt yn cynnig eiriolaeth ariannol am ddim i bobl dros 50 oed sy’n byw yn eu cartref eu hun neu mewn gofal preswyl.