skip to main content
   Gwrando a chyfieithu
This website is available in English
Dewis
Health and Wellbeing
Partner Iechyd a Llesiant Cymru

Dogfen ysgrifenedig yw cynllun gofal a chymorth sy’n nodi’r hyn sydd wedi cael ei drafod â chi yn ystod asesiad a beth sy’n mynd i ddigwydd o ganlyniad.

Dylech chi fod wedi cymryd rhan lawn yn eich asesiad, felly dylai’ch cynllun gofal a chymorth fod yn glir iawn am:

  • beth rydych chi eisiau ei gyflawni – eich canlyniadau personol
  • beth sy’n eich atal – y rhwystrau a risgiau
  • a oes angen gwybodaeth a chyngor arnoch chi
  • pa gymorth arall rydych chi’n ei dderbyn, er enghraifft, gan aelod o’r teulu
  • pa wasanaethau cymunedol allai’ch helpu
  • pa ofal a chymorth gaiff eu darparu gan y gwasanaethau cymdeithasol a’u partneriaid*
  • sut caiff eich cynnydd ei fonitro
  • dyddiad eich adolygiad nesaf

*O Ebrill 2016 ymlaen, rhaid i’r cyngor lleol a gwasanaethau iechyd lleol benderfynu ar y cyd a yw’ch pecyn gofal a chymorth yn bodloni’ch canlyniadau lles personol, gan gynnwys eich lles emosiynol, cymdeithasol ac economaidd.

Os bydd eich amgylchiadau lleol

Rhaid i’ch cynllun gofal gael ei adolygu’n gyson a rhaid peidio â’i gau heb ailasesiad o’ch amgylchiadau.

Os bydd eich amgylchiadau’n newid, er enghraifft, mae’ch gofalwr amser llawn yn dymuno dychwelyd i’r gwaith, rhaid i’r cyngor ailasesu’ch anghenion a newid eich cynllun gofal yn unol â hyn.

Eich amddiffyn rhag camdriniaeth neu esgeulustod

Os bydd y cyngor yn credu eich bod mewn risg o gamdriniaeth neu esgeulustod, rhaid iddo fodloni’ch anghenion gofal a chymorth.

Taliadau uniongyrchol 

Os ydych chi wedi penderfynu eich bod eisiau defnyddio taliadau uniongyrchol i fodloni rhai neu bob un o’ch anghenion, rhaid i’ch cynllun gofal a chymorth nodi:

  • pa anghenion sydd i’w bodloni drwy daliadau uniongyrchol
  • y swm y byddwch chi’n ei dderbyn
  • pa mor aml y caiff taliadau uniongyrchol eu gwneud i chi

Beth os nad ydych chi’n cytuno?

Os byddwch chi’n anghytuno ag asesiad y cyngor o sut y gall eich helpu, mae gennych chi’r hawl i wrthod y cynllun gofal a chymorth – neu i gwyno am yr asesiad ei hun.

Os ydych chi’n dal yn anhapus gyda’r cyngor, gallwch chi gysylltu ag Ombwdsmon Gwasanaethau Cyhoeddus Cymru.

Diweddariad diwethaf: 27/04/2023

Gael mwy o wybodaeth lles yn www.dewis.cymru

Byddwn ni’n cymryd camau rhesymol i ofalu bod yr wybodaeth sydd ar y wefan mor gywir ag y bo modd, ond allwn ni ddim derbyn cyfrifoldeb am gywirdeb yr wybodaeth honno. Y cyfranwyr sy’n gyfrifol am ddiweddaru eu gwybodaeth nhw, a byddan nhw’n croesawu adborth am gywirdeb yr hyn maen nhw wedi’i gyhoeddi. Cynghorir y rhai sy’n darllen cynnwys y wefan i gymryd pob cam rhesymol i’w bwyso a’i fesur, gan gynnwys hel cynghorion arbenigwyr cyn gwneud – neu osgoi gwneud – unrhyw beth sydd wedi’i grybwyll.

Sylwch fod y canlyniadau a welir wrth chwilio yn Gymraeg neu Saesneg ar ochrau Cymraeg neu Saesneg y wefan (www.dewis.cymru neu www.dewis.wales) weithiau’n wahanol. Gall darparwyr ddewis (yn ddarostyngedig i reolau ynglŷn â safonau iaith sy’n berthnasol i rai darpariaethau) ddewis cofnodi eu gwybodaeth yn Saesneg yn unig, Cymraeg yn unig, neu’n ddwyieithog. Er ein bod yn ceisio defnyddio’r dechnoleg o fewn y wefan i gyfyngu effaith eu dewis, mae terminoleg a strwythur yr ieithoedd yn golygu bod gwahaniaethau yn y canlyniadau sy’n cael eu cynhyrchu weithiau’n anochel.

Allwn ni ddim derbyn unrhyw gyfrifoldeb am gynnwys y gwefannau sydd wedi’u cysylltu â’n gwefan ni. Dim ond er gwybodaeth ichi rydyn ni wedi cynnig dolenni o’r fath. Felly, ddylech chi ddim tybio bod sêl ein bendith arnyn nhw. Does dim modd inni reoli cynnwys nac adnoddau’r un wefan arall. Mae gyda ni hawl i wrthod neu ddileu dolen â gwefan rydyn ni o’r farn bod ei chynnwys yn amhriodol.

I gael rhagor o wybodaeth, cyfeiriwch at y Telerau ac Amodau llawn.